The Girl in Worst Section (Completed)

Chapter 97

Chapter 97: Going to Scythe

Hay, feeling ko may problems ang mga bessy ko. Basta, hindi ko lang maintindihan ang mga lalaking 'to, hindi ko lang pinapakialaman. Alam ko namang hihingi rin sila ng tulong at syempre, bilang kaibigan ay tulungan ko.

Nakasalubong ko sina Gianna kanina at maraming ginagawa. Ang kapatid kong si Darius, pumasok na rin para masigurado ang nangyayari rito sa School. Iyong tipong parang siya na 'yong may ari dahil sa ginagawa niya. Pati yata Teacher sumusunod sa kaniya. Hindi na ako magtataka kung balang araw ay bilhin ni Darius ang eskwelahan na 'to at siya na mismo ang magpapatakbo, gano'n rin kay Phoenix.

Hindi na rin siguro namin maaabutan ang new School dahil for sure graduated na kami once matapos iyong renovation. Tapos na eskwelahan na 'yon kapag naka-akyat na kami sa stage para magtapos ng year na 'to. At sure ako, may kaniya-kaniya na rin kaming ganap sa college namin.

May sarili na rin kaming daan na tatahakin, at hindi na kami aasa sa bawat isa dahil 'yon na ang pinakahuling tatahakin namin para maabot ang mga pangarap na binuo namin simula noong mga bata-bata pa kami.

Hindi pa 'yon nangyayari pero nakakaramdam na ako ng lungkot kasi biruin niyo may posibilidad na magkahiwa-hiwalay kaming lahat. Hindi katulad ngayon na kung may mangyaring masama isa sa amin ay nandiyan agad sila.

Nakakalungkot at masaya lang isipin na buo kaming lahat, magakakaayos-ayos pero sa bandang huli kailangan maghiwa-hiwalay dahil sa mga landas na mga tatahakin namin bilang bagong kami at sa mga desisyon na gagawin namin.

Hindi nga pala ako sa unit ni Phoenix umuwi, hindi niya rin ako hinatid ngayon. Si Darius ang kasabay ko. Mukhang may kailangan siyang gawin sa bahay nila. Ni hindi nga siya nakapagreply sa akin pero ayos lang naman 'yon.

At nga pala hindi sa Australia ang punta ni Mama kung hindi sa Spain. At napaaga, dapat sa six pa ng November ang alis niya kaso bukas na. Napaaga lang ng isang araw. Sa December naman ang balik. Bali ilang linggo rin siya doon.

Hindi pa ako nakakapasok ng classroom ay nakita ko na si Dice na parang namatayan ang itsura, sa bagay dumaan nga pala ang undas baka feel niya pa rin ang pagluluksa.

Nakaupo siya upuan ng hallway habang malalim ang iniisip.

Siguro kung sisisirin ko ang iniisip niya baka malunod ako sa sobrang lalim. Hindi ako ma-reach.

Nilapitan ko siya para tanungin.

"Dice, okay ka lang ba?" Tanong ko.

Gusto ko lang makasigurado baka kasi hindi. Malay mo trip niya lang ang gan'yan.

Napaangat siya ng tingin. "Hindi," sagot niya.

Bumalik siya sa ginagawa niyang pag-iisip ng malalim.

"Bakit ano ang nangyari?" Tanong ko ulit.

Malay mo makatulong ako, 'di ba?

"Hindi alam ng family ni Ivy na kasama kami nina Dad sa organization ni Tito Dylan. No'ng nalaman nila, they decided to file an annulment. Ayaw nila madamay sa gulo na kinakaharap natin ngayon, gusto nilang ilayo sa akin ang anak nila. Hindi ko naman pababayaan ang anak nila pero they already decided."

Grabe naman 'yon! Edi magtanan na lang silang dawala, charot. Baka lalo maging kumplikado kapag ginawa nila 'yon.

"Edi sana sinabi mo na hindi mo pababayaan ang labidabs mo." Sumandal ako sa pader bago ipinagkrus ang dalawang braso.

"Nasabi ko na 'yon kaso ayaw talaga nila," aniya. "Hindi sila naniniwala."

"Bakit naman kasi kasal na kayo kaagad? E, shuta nasa High School palang kayo."