The Girl in Worst Section (Completed)

Chapter 98

Chapter 98: Scythe's Place

Nakabukas ang tracking device ni Trevor para masundan namin siya. Kapag gumagalaw ang red dot ibig-sabihin ay umaandar ang sasakyan niya o kung nasaan man siya.

At masasabi kong nakakakaba ang mangyayari dahil baka malaman nilang spy si Trevor. Gago, baka patayin nila si Trevor, sayang naman. Gwapong-gwapo na nilalang tapos maaga lang mawawala?

Kinuha ko na lang muna ang bag ko para kuhain ang damit ko sa loob. Magpapalit muna ako dahil ang lagkit ng uniform ko pati na rin ng braso ko.

Sa mga hindi po nakakaalam, dumaan kaming dalawa ni Phoenix sa starbucks para bumili ng frappuccino at dahil sa katangahang tinataglay ko, hindi ko pa naiinom, dumulas na kaagad sa kamay ko at dumiretso sa uniform ko ang laman.

"Wala man lang akong nainom."

"It was your fault," ani Phoenix.

Kasalanan ko naman talaga.

Nilabas ko ang off shoulder top at denim skirt na bili ni Mama sa akin. Ibang klase rin talaga si Mama, pati ako dinadamay sa mga fashion niya.

Muntik na akong masubsob sa harapan nang biglang nag-preno si Phoenix. Napahawak ako sa noo ko bago tumingin sa kaniya.

"Bakit ba bigla-bigla kang nagpe-preno?"

Parang naalog ang utak ko dahil sa biglang pag-preno niya. Ayoko pa naman na naaalog ang utak ko, baka mawala ang stock knowledge ko.

"Why are you removing your blouse?"

"Para magpalit," sagot ko. "Doon na nga lang ako sa likod magpapalit." Hinagis ko ang bag at damit ko sa back seat.

"You don't have a space there," aniya. "You can change-"

"Ang laki ng space sa likod, 'wag kang ano diyan."

Tiningnan naman niya ang likod. "Yeah, it is."

Tumingin lang ako sa kaniya bago dumiretso sa likuran. Gano'n lang rin siya sa akin at kung hindi ko pa tinuro ang harap, hindi pa siya magda-drive. Balak yatang manood ng lalaking 'to sa akin hanggang sa matapos ako.

Sinuot ko muna ang denim skirt bago ko hinubad ang skirt ng uniform ko. Nasa likuran naman ako ng drivers seat para magpalit ng pang-itaas. Nang matapos nilagay ko na sa loob ng bag ko ang uniform.

Sa back seat na lang ako naupo, nakakatamad nang bumalik sa harapan. At masyadong mabilis ang pagda-drive ni Phoenix parang may hinahabol ang style niya.

"I'm look like a driver." Tumingin siya sa akin mula sa rear view mirror. "Sit here in front."

"Ayos lang 'yan." Minsan lang naman siya magmukhang driver. "Pogi ka namang driver." Sumandal ako sa kinauupuan ko.

Inirapan niya lang ako. Totoo namang pogi siya kahit maging driver. Payag akong magkaroon ng sariling driver basta siya. Isang Velasquez maging driver ko, tangina, wala nang reklamo-reklamo!

"Stop the car," utos ko kay Phoenix.

Wala lang, trip ko lang mag-gano'n. Uso 'yon, e.

"Why do I need to stop the car?" tanong niya, naguguluhan.

"Wala lang..." natawa ako. "Ginagaya ko lang sa TV na nagsasabi ng 'stop the car' sa nagda-drive," mas lalo akong natawa.

"Damn, you're crazy again," comment niya.

"Yeah, you driving me crazy." Tumingin ako sa kaniya mula sa rear view mirror.

Nasamid naman siya sa sinabi ko bago tumingin sa harap para magpatuloy sa pagmamaneho.