"Luma Na Ba Talaga Ako?"
Mahal, sabi mo dati sa 'kin
"Hindi tayo tao dahil bagay tayo"
Oo. Bagay.
Iyon ang kaisa-isang salita na hindi ko makalimutan
Siguro dahil pareho pa tayo noon ng nararamdaman
Yung tipong nagtutugma pa ang ating puso't isipan
Pero sa pagdaan ng araw,
Bigla kang nagbago
Bigla kang nanlamig
Kahit anong sabi ko na "ayusin natin 'to"
Tahimik ka lang at hindi nakikinig
Hanggang sa dumating yung araw na hindi ka na bumalik
Bigla ko tuloy naisip yung sabi mong "bagay tayo"
Bagay nga ba talaga tayo?
O baka naman ako ang tinutukoy mo
Pakiramdam ko kasi ako yung bagay na yun
Yung bagay na madali mong ipagpalit
Bagay na madali mong itapon
Bagay na kapag luma na ay kailangan ng palitan ng iba na mas bago
Mahal, luma na ba talaga ako para sayo?
O baka naman yang puso mo ay kinakalawang na ng husto
Na kahit ayusin pa at kumpunihin
Hindi ko na kayang muling paganahin.
-RoRu
YOU ARE READING
Tula Para Sa Mga Broken
PoetryInaalay ko ang mga tulang ito para sa mga taong nasaktan, umibig, nasaktan ulit at nawalan na ng pag-asang magmahal muli. Highest Rank: #1 in Mga Tula (12/19/20) #1 in Mga Tula (05/29/20) #3 in Mga Tula (05/26/20)
