Chapter Song: Paper Hearts by f(×)
Naramdaman ko ang pagbaba ni Mozy nang tumigil kami sa Cafeteria. Nang malagay ko sa safe place si M ay pumasok na kami sa loob.
Pinanood ko ang reaksyon ni Mozy nang makapasok kami. Manghang-mangha ang ekspresyon ng mukha nya dahil siguro sa Cafeteria namin. Natawa ako sa isipan ko. Sa tagal ko na dito sa Monsta X Academy ay nawala na ang pagkamangha ko sa ganda ng academy na to. But seeing her like this, parang nararamdaman ko rin ang nararamdaman nya ngayon. Bumabalik yung pakiramdam na nakalimutan ko na kung ano.
Humarap sya sakin nang nakangiti.
"Anong pinapabili ng boys?," she asked.
I calm myself. Lumapit ako sa mga pagkain at itinuon ang atensyon dun. Ano nga ba yung inutos ng mga ungas sakin.
"Mukhang ang sasarap din ng pagkain nyo dito sa Cafeteria nyo. Pero the best ang pagkain sa Dining Hall," komento nya.
Tiningnan ko sya. Nakatingin sya sa mga desserts at cakes. Mahilig talaga sya sa matamis?
"Pumili ka lang kahit ano dyan. My treat," agad nya akong tiningnan. Nanlalaki ang mga mata nya at mukhang hindi sya makapaniwala sa sinabi ko.
"Talaga!? Ililibre mo ko?," dahan-dahan akong tumango.
Para syang nanalo sa lotto sa reaksyon nya ngayon. Ang babaw ng dahilan ng ngiti nya. May mga babaeng pa ba talagang sumasaya sa maliliit na bagay.
"Omg. Hindi ako makapili," rinig kong saad nya.
Muli akong natawa sa isipan ko. Natatawa ako sa reaskyon nya.
Binili ko na ang mga inuutos ng mga ungas sakin saka nagbayad na. Pinasadahan ko ng tingin ang namimili paring si Mozy. Napagdesisyunan kong lapitan sya.
"Hindi ako makapili," saad nya.
Tiningnan ko ang mga desserts and cakes.
"RedVelvet cake, masarap yan," I suggested.
Tumango sya. Favorite ko rin kasi yun.
"Sige. Mukhang masarap nga," aniya.
"I think it's best if you eat it here. Hindi ka makakain ng maayos sa gym," tiningnan nya ako. Mukhang nag-iisip sya.
"Hmmm..how about you?," tumaas ang kilay ko.
"I'm fine. Magkwentuhan na lang tayo habang kumakain ka,"
"Sige," she answered.
Matapos kong bayaran ang Redvelvet cake nya ay umupo kami sa bakanteng pwesto.
Nakatuon ang atensyon nya sa cake habang ako ay nakatingin sakanya.
Para bang kinakausap nya ito sa isipan nya bago kainin.
"Salamat sa libre Minhyuk," she happily said. Napatango ako.
Hmmmm.. now what Minhyuk? Akala ko ba magkukwentuhan kayo? Pero wala akong maisip na pwedeng itanong sakanya.
"Minhyuk," nagulat tuloy ako sa pagtawag nya.
Mukhang sya yata ang unang magtatanong.
"Galit ka ba talaga kay Miesza?,"
Hindi ko inaasahan ang tanong nyang iyon. Wala pa naman akong balak na isali si Miesza sa usapan namin. Pero sasagutin ko na lang sya.
