☘️ Chapter 163
☘️ A Wild Goat: Ling Chenhu And His Wife (1)
"အိုးး မဟုတ်သေးဘူး ၊ ဒီတောဆိတ်က ဘယ်က ရောက်လာတာလဲ။"
နောက်တစ်နေ့ အရုဏ်မတက်မီတွင် လင်းမိသားစု ၀င်များသည် တယောက်ပြီးတယောက်နိုးလာခဲ့ကြသည်။ သက်ဆိုင်ရာအခန်းတွေနဲ့ တွဲထားတဲ့ရေချိုးခန်းထဲမှာ ရေချိုးမပြီးခင်မှာ ဆုန်းရန်ရဲ့ အာမေဋိတ်သံက ရုတ်တရက် သူတို့နားထဲကိုရောက်လာသည်။ မိသားစုများက တံခါးဖွင့်ကာ ဖြစ်ပျက်သွားတာကိုကြည့်ကြည့်ကြသည်။
"တောဆိတ်လား ?!"
"Howl~"(ဝံပုလွေသံ)
ဗဟိုအခန်းတံခါးရှေ့တွင် တောဆိတ်ကြီးတစ်ကောင်သည် လည်ပင်းတွင်ဒဏ်ရာအနည်းငယ်ရရှိကာငြိမ်သက်စွာလဲလျောင်းနေခဲ့သည်။ သွေးတွေ စီးကျနေသည်မို့ ကြောက်စရာပင်။ တစ်မိသားစုလုံးဘာဖြစ်နေတာလဲလို့ တွေးနေကြချိန်မှာတော့ သား ပေါက်နှစ်ကောင်ဟာ ဘယ်ကနေပေါ်လာမှန်းမသိ လင်းဂျင်ရွှမ်ရဲ့ ခြေဖဝါးနား၌အော်ဟစ်နေခဲ့သည်။
လင်းဂျင်ရွှမ်သည် မျက်လုံးများမှေးမှိန်သွားကာ သူ၏စူးရှသော မျက်လုံးနှစ်လုံးသည် ၎င်းတို့၏ ပါးစပ်မှအနက်ရောင်အမွှေးအမျှင်များကို သတိပြုမိသောကြောင့် ၎င်းတို့ကိုပွတ်သပ်ပေးရင်း ထိုင်ချလိုက်ပြီး အချိန်အတော်ကြာပြီးနောက် သူသည် တောဆိတ်သေကောင်ကို လက်ညှိုးထိုးပြကာ
"မင်းတို့ ဖမ်းမိလာတာလား ?" ဟု မေးလိုက်သည်။
"Howl~"(ဝံပုလွေသံ)
ဝံပုလွေနက်နှစ်ကောင်က သူပြောတာကိုနားလည် သည့်ပုံပေါ်ပြီး အမြီးတွန့်ပြရင်း သူ့ဆီအကြွေးတောင်းသလို ညည်းတွားနေပုံရသည်။ လူတိုင်း သူတို့ကိုစိုက်ကြည့်နေခဲ့သည်။ သူတို့ ဒီလောက်သေး တာ တောဆိတ်တစ်ကောင်ကိုအမဲလိုက်နိုင်တာလား ? မနေ့ညက သူတို့မတွေ့မိတာ အံ့သြစရာမရှိ တော့ဘူး။ တောင်ပေါ်ကတောထဲထိတောင်ရောက်သွားတယ် !
“ကောင်းကောင်းနေ ရှောင်၀မ်တို့နဲ့သွားကစားချည်"
လင်းဂျင်ရွှမ်သည် အခြားသူများ၏အံ့အားသင့်သည့်တုံ့ပြန်မှုနှင့်မတူဘဲ အနည်းငယ်တွေးတောကြည့်ပြီးနောက် ခေါင်းညိတ်ကာမတ်တပ်ထရပ်လိုက်သည်။
YOU ARE READING
အဆိပ်ရှိသောကျေးလက်က 'ကြင်ယာတော်'
Historical Fictionတစ်ချိန်တုန်းက ကမ္ဘာကျော် ဆရာဝန်တစ်ဖြစ်လဲ လူသတ်သမား လင်းဂျင်ရွှမ်သည် လက်တစ်ဖက်ဖြင့်အသက်ကယ်ပြီး ကျန်လက်တစ်ဖက်နှင့်လုပ် ကြံသတ်ဖြတ်သူဆိုပြီး အစိုးရနှင့်မြေအောက်လောကအဖွဲ့အစည်းများကပင် ၎င်း၏အမည်အားဖိန့်ဖိန့်တုန်အောင် ကြောက်ရွံ့ခဲ့ကြရသည်။ မတော်တဆဖြစ်ပြီးန...
