..when words fail, music speaks.. [COMPLETE]

Chappie 58

“Talaga po? Ganun si kuya dito?” Anong ginagawa ng batang yan dito? At bakit wala siyang kasama?

“Kapatid yan ni Tristan.” Sabi ko.

“Hah?”

“Ah, ate Ina~” Kinanta pa ni Stacey ang pangalan ko. Ito talagang batang ‘to. Ang cute cute talaga kahit kailan.

“Anong ginagawa mo dito? Sino kasama mo?”

“Kapatid yan ni Tristan? Ang cute.” Sabi nung dalawa kong kasama. Ang cute talaga.

“Si ate Clarisse kaso bigla siyang nawala.”

“Biglang nawala o tinakasan mo?” Tumawa siya nang napakatinis.

“Nawala siya kaya tumakas ako.” Bigla niya akong niyakap nang napakahigpit. “Miss na kasi kita eh!”

“Pano kung hinahanap ka na ni ate Clarisse? Pano kung nawala ka?”

“Ok lang ako, ate Ina. Si kuya Yanyan bakit di mo kasama?” Hindi man lang naawa sa ate niya.

“Nasa loob ata siya.”

“Hmpf, bakit hindi mo sure kung nasan siya? Dapat lagi mong alam.” Heto na naman siya sa ugaling attorney niya. Nakapamewang pa. Hay nakung bata ka.

“Ang cute ng kapatid ni Tristan. Pwede ba naming picturan?” Lumapit samin yung mga babae na kausap ni Stacey. Parang ang rude kung pipicturan nila yung bata. Tsk. Ano ba naman kasi tong mga babaeng to?

“Stacey!” Uh-oh, heto na si kuya Yanyan. Ayan mukhang galit pa oh. Baka ako na naman ang pagbuntulan ng galit niya. Haaaay. “Hindi niyo siya pwedeng picturan.” Yun eh, galit nga talaga.

“Kuya~” Hay, kumanta na naman si Stacey.

“Tara na.” Binuhat niya si Stacey at nilagyan niya ng cap. “Agustin, sumunod ka sakin.” Ay, kung makautos lang parang ako ang yaya ni Stacey ah. Sumunod naman ako kasi baka kung ano pa ang gawin niya.

“Kuya, I can’t see.” Tinanggal ko yung cap kay Stacey.

“Now, you can see.”

“Stacey, look at me.” Binaba na niya si Stacey. Nandito kami sa malapit sa may restroom.

“I’m looking at you.”

“Sabi ni ate Clarisse tinakasan mo daw siya. Alam mo ba kung gaano nag-alala si ate ha?” Is this real? Pinapagalitan niya si Stacey?

“I just want to see you.” Nag frown siya.

“Kahit na. Hindi ka dapat tumatakas. Pano kung may nangyari sayo?”

“Safe naman ako.”

“Don’t do that anymore. Do you get me?”

“Opo.”

“Andito na si ate.” Si ate Clarisse pawis na pawis. Kawawa naman.

“Hoy, Stacia, alam mo bang mababaliw na ako kakahanap sayo? Hindi ka na talaga naawa sakin.”

“Sorry na nga.” Nagpout siya. Shemay, ang cute talaga ng batang to! Kakagigil.

“Ate bakit kasi hinayaan mo siya na mawala sa paningin mo?”

“At ako pa talaga ang sinisi mo? Kasalanan mo kaya. Hindi ka kasi nag-oonline at nagtetext man lang kay Stacey kaya sina mama inutusan ako na isama siya papunta dito. Alam mo naman na hindi yan mapakali kapag hindi ka nakikita o nakakausap.” Nag-aaway na naman tong dalawa.

“Isama? So may gagawin ka dito?” Tanong ko.

“Yung isang branch ng resto ng friend ni daddy gusto daw iparenovate kaya kailangan ang powers ng isang architect. Kasama ko si ate Danica.”