THINKING OUT LOUD!

Babush babush kemerloo eklavush (graduate na si author edition)

Tuesday, 2014 March 18

So kanina pinanood ko 'yung episode ng Wansapanataym™ na pinamagatang "Boy's Best Friend". Ngayon na lang ulit ako nakapanood ng palabas sa TV so this is very exciting for me.

Simulan natin ang synopsis kuno - napahaba ng kaunti, sorry:

Billy is your typical grade-conscious aloof child. Wala siyang kaibigan dahil... ewan. Asocial na bata siya. Wala rin siyang alam sa sports, 'yung tipong sisipa na lang ng bola eh sasablay pa. Pinagtatawanan tuloy siya ng mga kaklase niya. Sinusumbatan naman niya ang mga ito ng "tatalunin ko kayo sa science fair, mga lecheng plebeian". Er, non-verbatim 'yan...

Nag-aalala na ang magulang ni Billy dahil naniniwala silang kasama sa basic hierarchy of needs ng tao ang pagkakaroon ng social life, at syempre hindi exempted ang kanilang Little Einstein sa rule na ito. Medyo hindi sila natutuwa kay Billy because of the reasons mentioned above, even though 89234759 parents are dying to have a child like Billy. Dahil mababa naman ang kaligayahan ng anak nila (just like every other child), naisip nilang bilhan si Billy ng aso dahil sa mga panahong ito, nabibili mo na ang lahat. Pati mga kaibigan.

Pagpunta nila sa pet shop, humanap ni Billy ng asong matalinong tingnan. Nakakita siya ng brown doge at ang asong iyon ay si Pluto. Naisip ni Billy na bibilhin na niya si Pluto upang gamitin sa science fair at hindi para sa ~*FrieNdShiP*~. Nabwisit ang may-ari ng pet shop sa motive ni Billy. Nilagyan niya ng friendship bracelet thingies sina Billy at Pluto. Malamang may sumpa 'yun. So, blah blah blah yadda yadda yadda, hindi nagkasundo si Billy at si Pluto dahil hindi kayang habulin ni Pluto ang IQ ni Billy. Blah blah, nung natutulog na silang dalawa, na-activate ang magic friendship bracelet thingy nila at sa isang kapani-paniwalang saglit, NAGKAPALIT SILA NG KALULUWA! Shet, plot twist. Nobody saw that coming. *coughbantataycough*

So pagkagising ni Billy the next day, doge na siya. Wow. Tapos 'yung kaluluwa ni Pluto ay naroon na sa katawan ni Billy. Wow wow. Inutusan ni Billy si Pluto na kunin 'yung phone para mapaalam na niya sa tatay niya ang kagaguhang ito.

Tinawagan ni Billy si itay, hinimatay si itay, nung nagkamalay na si itay e tumawag siya sa doktor, and apparently kahit doktor hindi makahanap ng bisa sa pagsanib na nangyari so they, Billy et al, just dealt with it. Tinuruan ni Billy si Pluto na maglakad at magsalita. Parang baby. I was too busy laughing my ass off at this part.

Pagdating nila sa school, nakipaglaro pa si Pluto (in Billy's body) ng bola sa mga kaklase ni Billy. And yes, mas magaling pa sa sports ang asong ito kesa sa taong sinaniban niya. And he was a social butterfly too, despite his serious speech impediment. What do you expect? He's a DOG. Gahddamnet.

So, ayun, nung science fair na mismo, nag-perform sina Billy at Pluto sa pamamagitan ng paggulong sa sahig at sa isa't-isa. So scientific. Wow.

Noong pauwi na sila matapos makipaglaro muli sa mga kaklase, na-kidnap si Pluto ng dalawang adik na tambay for some reason, although anyone over the age of 5 can guess that they'll probably make the weirdest asocena ever.

Habang kini-kidnap si Billy/Pluto, pumasok na ang Deus Ex Machina. In a display of true friendship kuno, tinawag nila klasmeyt ang mga pulis. Nahuli ang mga adik. Bumalik na ang mga kaluluwa nina Billy at Pluto sa respective nilang katawan. Blah blah. Umuwi ang nanay ni Billy mula sa Cebu (umalis nga pala siya bago mangyari ang soul-swapping). Nagulat si nanay dahil sociable na ang anak niya sa mga kaklase, pati na rin sa aso. Tinanong niya kay tatay kung anong nangyari. Sabi ni tatay, pag-uusapan na lang nila upstairs. Ikinuwento na ni tatay kay nanay ang mga nangyari, soul-swapping and all. Tinanong ni nanay kung anong droga ang na-toma ni tatay.

Moral of the story: Noong umalis si nanay, naging sociable (at aso) si Billy. Conclusion: Huwag nang pababalikin si nanay sa bahay upang magpatuloy ang metamorphosis ni Billy.