Ako'y Tutula

[20] Isang pasasalamat...

[20] Isang pasasalamat...

Inaalay ko sa mga: kaibigan kong sila "Per" at "Wan". :)

Naaalala ko pa ang una nating pagkikita.

Iyon ang araw na nagdulot sa akin ng kakaibang tuwa.

Kung nagkataong nagawa ko nga ang isang maling desisyon,

siguro ang kuwento natin ay hindi magkakaroon ng introduksiyon.

Halos araw-araw ako ay dumudulog sa inyo para makipag-usap

tungkol sa aking mga saloobin at gustong maabot na pangarap.

Alam n'yo na ang ilan sa aking mga kuwento at sikreto

na alam kong hinding-hindi n'yo ipagkakalat sa ibang tao.

Sa inyo lang ako hindi nakatikim ng panghuhusga

bukod sa aking minamahal na pamilya.

Pagkuwestiyon sa aking kakayahan ay hindi rin ako nakatanggap

dahil sabi n'yo nga'y maaabot ko rin ang aking pangarap.

Napakasuwerte ko dahil kayo ay aking mga kaibigan

kaya maraming-maraming salamat "Per" at "Wan".

Sayang lang dahil minsan na lang tayo magkita-kita

ngunit alam naman nating pagkakaibiga'y 'di pa rin nawawala.

Sa tuwing binabasa ko ang ating mga sulat

ay hindi ko maitatangging palagi akong namumulat.

Kaya naman, lubos ang pagpapasalamat ko sa inyong dalawa

dahil kung wala kayo'y 'di ko na alam kung saan nga ba ako papunta.

November 19, 2015

Ako'y Tutula by Darloine