[75] Isang Linggong Fighting Spirit
Inaalay ko sa: fighting spirit ng mga Earthlings ngayong 2017. Inaalay ko rin ito sa sumulat ng kantang, "Isang linggong pag-ibig". Diyan ko kinuha ang title pero walang kinalaman ang tula sa nasabing kanta. Wala ring tono 'to kaya... blah blah blah. Basta, thank you po. Hahaha. ('Di ko na ma-explain, inaantok na kasi ako. Lagi naman.)
Linggo. Sama-sama nilang sinalubong
ang pagpasok ng panibagong taon.
Lunes. Iisa lang ang kanilang sinasabi:
"Oh, 2017. Please be good to me!"
Martes. Sa paggawa ng gawai'y ginaganahan
kaya puro check na naman ang nasa 'listahan'.
Miyerkules. Ang fighting spirit ay nagkaro'n ng bawas,
pero tuloy pa rin kahit nangangalahati na ang gas.
Huwebes. Nag-uumpisa nang pumikit-pikit ang mga mata
pero magigising din dahil sa pag-iisip ng 'bagong simula'.
Biyernes. Bumabalik na naman sila sa dati nilang gawi
at konti na lang ay baka hindi na naman makontrol ang sarili.
Sabado. Medyo pumapalya na sa pagsunod sa listahan
kaya ang pagmamahalan ng lahat na lang ang pinaglalaban.
Tapos na ang isang linggo at ubos na rin ang gas.
Sa mga susunod na araw ay mayroon pa bang lakas?
Parang kailan lang ay kumasa ang lahat sa iisang hamon,
na lahat ay magsisikap para magbago ngayong taon.
Kumusta nga kaya ang kuwento ng kani-kanilang unang linggo?
Ilang New Year's resolutions kaya ang matutupad at mabibigo?
January 7, 2017
Ako'y Tutula by Darloine
YOU ARE READING
Ako'y Tutula
PoetryKoleksiyon ng mga tulang bunga ng kalayaan kong magpahayag ng sariling opinyon at damdamin tungkol sa lahat ng nakikita, naririnig, nararamdaman, nalalasahan at naaamoy ko rito sa mundo. Ako'y tutula... -D. Cover by: "Kai" (ang babaeng neutral sa mu...