[74] Dear Future Bes
Inaalay ko sa: future bes ko. :D
P're, dre, bhe, 'tol, bes, kambal...
isang taong parang kalahating ikaw.
Ang gusto mo ay gusto rin niya.
Ang ayaw mo ay ayaw rin niya.
Siya ang magsisilbi mong batang kapatid, ate o kuya,
at pwede ring nanay, tatay o ikalawang pamilya.
Siya ang halos minu-minuto mong kaalitan
pero siya rin ang kasa-kasama mo sa kalokohan...
Pangarap ko nang magkaro'n noon nung bata ako
pero hanggang ngayon, wala pa rin ang kakambal ko.
Sinubukan kong maghanap noon nang ilang ulit,
at paulit-ulit din akong nabigo dahil sa pagpupumilit.
Hanggang sa nakuntento na akong mag-isa
at maging masaya na lang para sa iba.
Tanggap kong may mga bagay na wala ako
na siyang ipinagkaloob naman sa ibang tao.
"Dear future bes, nasaan ka na kaya?"
'Yan sana ang gusto kong itanong sa kanya.
Pero sa pagkakataong 'to hindi ko na siya hahanapin,
dahil gusto kong siya naman ang humanap sa akin.
January 6, 2017
Ako'y Tutula by Darloine
Darloine: Ito ang alamat ng nawawalang bes.
ŞİMDİ OKUDUĞUN
Ako'y Tutula
ŞiirKoleksiyon ng mga tulang bunga ng kalayaan kong magpahayag ng sariling opinyon at damdamin tungkol sa lahat ng nakikita, naririnig, nararamdaman, nalalasahan at naaamoy ko rito sa mundo. Ako'y tutula... -D. Cover by: "Kai" (ang babaeng neutral sa mu...
