[68] Balita
Inaalay ko sa: mga balita araw-araw.
Tuwang-tuwa sila para sa 'yo ngayon, Inang Bayan
dahil isang kababayan ang nabigyan ng karangalan.
Ngunit kinabukasan, sa iyo na naman ay nangingilag.
Malubha mong sakit ang dahilan ng kalagayang kahabag-habag.
Sa iyo'y hirap na ang karamihan na maniwala
na kaya mong makipagsabayang muli sa ibang bansa.
Paano'y nawalan na sila ng pag-asang malulunasan
ang sakit mo upang maaninag ang magandang kinabukasan.
Mayroon na naman kasing naging biktima
ng isang tusong driver na mapagsamantala
at marami pa rin ang itinuturing na trabaho
ang panloloko ng kapwa niya Pilipino.
Patuloy ang pag-igting ng tensyon
sa mga protesta at isyu ng demolisyon.
Katulad pa rin ng dati'y magulo pa rin ang politika
at walang katapusan ang listahan ng mga sangkot sa droga.
Libu-libong tao sa lupain mo'y abala sa paghahanapbuhay
at marami pa rin dito ang araw-araw na namamatay.
Parang ganito rin ang mga balitang nasaksihan ko kahapon,
iba lang ang mga detalye at mga taong sangkot ngayon.
June 16, 2016
Ako'y Tutula by Darloine
YOU ARE READING
Ako'y Tutula
PoetryKoleksiyon ng mga tulang bunga ng kalayaan kong magpahayag ng sariling opinyon at damdamin tungkol sa lahat ng nakikita, naririnig, nararamdaman, nalalasahan at naaamoy ko rito sa mundo. Ako'y tutula... -D. Cover by: "Kai" (ang babaeng neutral sa mu...