[50] Lamig
Inaalay ko sa: lamig na dulot ng makapangyarihang hangin na galing sa kung saan. Hahaha. Pero seryoso, ang lamig talaga ngayon. (-w-) Hello, Ako'y Tutula. Na-miss ko magsulat ng tula sa 'yo~ <3 KO talaga ako kapag gabi lalo na ngayong malamig. Whew. Akala ko ba summer? Oh well, climate change. Ang random ko ngayon, kainis. Nahamugan na naman ang bumbunan ko. :3
Sa bawat pag-ihip ng hangin na mayroong kakaibang lamig
ay naghahatid ito ng 'di matatawarang kilig o panginginig.
Ang mga taong binubuo ng isang dosenang hangin sa katawan
ay nakapagtatakang tinitingala at pinupuri pa ng karamihan.
Kinikilig ang ilan dahil sa kanila
habang nakasimangot naman ang iba pa.
Lamig na bunga rin ng atensyong ibinibigay ng mga tao
ang lamig na maaaring ituring na isang pagbabalatkayo.
Isang pagbabalatkayong nagdudulot ng panghihilakbot
sa kung sinumang tumututol sa sistemang baluktot.
Sa milyon-milyong taong kakampi ay sino ang masisisi
kung ngayo'y bulag na sa matamis na ngiti't makakapal na salapi?
Tulad ng direksyon ng hangin ay pabagu-bago na ang kaniyang isip.
Layunin at kahit sariling prinsipyo'y hindi na kaya pang masilip.
Walang pakialam, bato, manhid, o malamig na parang yelo
ang maaaring itawag ngayon sa estado ng kaniyang puso.
Walang kasing ginaw saan mang parte ng mundo.
Walang kasing lamig na pagkatao.
Ngayo'y umihip na naman ang hangin.
Walang pagbabago, tulad ng dati'y malamig pa rin.
February 7, 2016
Ako'y Tutula by Darloine
YOU ARE READING
Ako'y Tutula
PoetryKoleksiyon ng mga tulang bunga ng kalayaan kong magpahayag ng sariling opinyon at damdamin tungkol sa lahat ng nakikita, naririnig, nararamdaman, nalalasahan at naaamoy ko rito sa mundo. Ako'y tutula... -D. Cover by: "Kai" (ang babaeng neutral sa mu...