[72] Ganito ako gumawa ng tula
Inaalay ko sa: remaining 43 hours and 47 minutes sa Daily Time Record ko bilang student assistant.
Status: Walang magawa kaya nagsusulat ng tula. :D
Uupo at tutulala,
mag-iisip ng mga salita.
Pipili ng isang pamagat
saka mag-uumpisang magsulat.
Paulit-ulit na titipa sa keyboard,
magbabasa't tititig na lang sa cursor.
Tatayo, uupo, tatayo, hihiga,
babangon at babalik na sa pagtula.
Mag-uumpisa sa pinakaunang saknong,
lilipat sa pangalawa 'pag walang maidugtong.
Kung wala talaga'y sa gitna naman
o 'di kaya'y uunahin na lang ang hulihan.
Mga taludtod ay pagpapalit-palitin
hanggang sa tugma na ang dapat pagsamahin.
Tatanggalin ang mga sobrang linya,
iipunin at gagamitin naman sa ibang akda.
Ang naisulat ay paulit-ulit na babasahin
upang malaman kung ayos lang sa pandinig.
'Pag natapos na ay babalik na ulit sa pagtulala -
ganito nga, ganito pala, ganito ako gumawa ng tula.
September 26, 2016
Ako'y Tutula by Darloine
YOU ARE READING
Ako'y Tutula
PoetryKoleksiyon ng mga tulang bunga ng kalayaan kong magpahayag ng sariling opinyon at damdamin tungkol sa lahat ng nakikita, naririnig, nararamdaman, nalalasahan at naaamoy ko rito sa mundo. Ako'y tutula... -D. Cover by: "Kai" (ang babaeng neutral sa mu...
