[36] Kasinungalingan
Inaalay ko sa: mga bilanggo ng salitang ito.
H'wag kang masyadong magpapaniwala
sa mga bagay na nakikita lang ng iyong mga mata
dahil mahirap nang tukuyin ang katotohanan
lalo na't talamak ngayon ang kasinungalingan.
H'wag kang ring magpapaloko
sa naririnig lamang ng mga tainga mo
dahil maaaring mabago ang mga salita
kapag pinagpasa-pasahan na ng iba.
H'wag kang masyadong magtiwala sa iyong pakiramdam
dahil kung minsan pinaiikot ka lang nito nang hindi mo alam.
Ang katotohanan ngayon ay madali na lamang baguhin
at matutukoy mo lang ito kung pagtutuunan ng pansin.
Marami pang kasinungalingan ngayon ang umuusbong
at nakalulungkot na marami pa ring nahuhulog sa patibong.
Kailan nga ba sila magiging mahusay sa pagkilatis
upang kanilang buhay ay hindi na malihis?
Habang buhay na lamang bang magiging karima-rimarim
ang kanilang pamumuhay na unti-unting nilalamon ng dilim?
Isang katotohanan lang ang hindi mababago rito sa mundo
at ito ang likas na pagiging sinungaling at tuso nito sa mga tao.
December 11, 2015
Ako'y Tutula by Darloine
YOU ARE READING
Ako'y Tutula
PoetryKoleksiyon ng mga tulang bunga ng kalayaan kong magpahayag ng sariling opinyon at damdamin tungkol sa lahat ng nakikita, naririnig, nararamdaman, nalalasahan at naaamoy ko rito sa mundo. Ako'y tutula... -D. Cover by: "Kai" (ang babaeng neutral sa mu...