[66] Paraiso
Inaalay ko sa: mundo ng pagsusulat. :)
Nang ang totoong mundo ay malapit na niyang sukuan
ay napunta naman siya sa mundong hindi niya inaasahan.
Ito ang isang mundo na pwedeng magtama ng pagkakamali
at maaari ding makatulong sa pagtuklas ng kaniyang sarili.
Sa iba't ibang lugar ay maaari siyang maglakbay,
matuto at makaranas ng kakaibang pamumuhay.
Sa mundong iyon ay mayroon siyang taglay na mahika
na kaniyang nagagamit sa pamamagitan lang ng mga salita.
Maaari din siyang magtayo roon ng sarili niyang tahanan
dahil posible ang lahat ng bagay na kaniyang maisipan.
Siya ang bida sa kuwento at ang kaaway niya naman ang kontrabida.
Kontrolado niya ang lahat kung kaya't walang makapipigil sa kaniya.
Para sa kaniya ito ay isang paraiso
na sa totoong mundo sa kaniya'y maglalayo.
Isang makulay na mundo ng tula, salawikain, pabula, parabula,
sanaysay, maikling kuwento, alamat, nobela at iba pa.
Lahat ng taong naisin niyang makausap ay kaniyang makahaharap.
Isang napakagandang mundo na tutupad sa kaniyang mga pangarap.
Isang linya lang ang nais niyang sabihin ngayon sa mundo:
"Sa wakas, natagpuan ko na rin ang paraiso".
April 7, 2016
Ako'y Tutula by Darloine
YOU ARE READING
Ako'y Tutula
PoetryKoleksiyon ng mga tulang bunga ng kalayaan kong magpahayag ng sariling opinyon at damdamin tungkol sa lahat ng nakikita, naririnig, nararamdaman, nalalasahan at naaamoy ko rito sa mundo. Ako'y tutula... -D. Cover by: "Kai" (ang babaeng neutral sa mu...