[43] D.
Inaalay ko sa: aking mga alaala at sa aking minamahal na pamilya.
Si Mama noon, kung hindi naglalaba ay nagtatahi
upang kumita ng kahit kaunting salapi.
Ngayon naman ay iba na ang kaniyang pinagkakaabalahan,
munti naming tindahan ang kaniyang binabantayan.
Si Papa noon ay isang guwardiya na naging sundalo
na nakaranas ring maging isang mekaniko at bumbero.
Ngayon naman ang atensiyon niya'y nasa mga lupain
at sa sari-saring mga dokumento na dapat asikasuhin.
Si kuya T noon na mayroong mahabang buhok
ang halos araw-araw sa balo'y sumasalok.
Ngayon sa isang eskuwelahan siya'y nagtuturo.
Magtatapos at sa ibang bansa raw ay magtutungo.
Si kuya D noon, ang buhok niya'y nakahawi sa isang tabi
at "emo" ang tingin niya sa kaniyang sarili.
Ngayon ay mayroon na siyang matatag na trabaho
sa isang partikular na bangko.
Ako? Isa akong batang namulat sa loob ng tahanan
sa pamamagitan ng mga bagay na aking nakagisnan.
Ngayon, ako ay isang matino ngunit malokong estudyante
na naghahangad na may magampanan ding mahalagang parte.
January 3, 2016
Ako'y Tutula by Darloine
YOU ARE READING
Ako'y Tutula
PoetryKoleksiyon ng mga tulang bunga ng kalayaan kong magpahayag ng sariling opinyon at damdamin tungkol sa lahat ng nakikita, naririnig, nararamdaman, nalalasahan at naaamoy ko rito sa mundo. Ako'y tutula... -D. Cover by: "Kai" (ang babaeng neutral sa mu...