[37] Umay
Inaalay ko sa lahat ng: uhh... mga nakakaumay. Basta mga nakakaumay! Umay na umay na kasi ako! Pwe! Kung nauumay ka na rin, apir tayo! At kung hindi ka naman nauumay, ang tibay mo beh.
Umay na umay na umay na ako.
Sa isang buong araw ay wala na bang bago?
Simula sa panonood ng mga palabas sa telebisyon
hanggang sa pagtutunggali ng kabi-kabilang mga istasyon.
Umay na umay na umay na rin ako
sa mga kuwentong pangalan lang ng tao ang binago
at sa mga kuwentong ayaw nang bigyan ng isang makatarungan,
maayos at katanggap-tanggap na katapusan.
Hindi ko alam kung ako lang din ba ang nauumay
sa kaliwa't kanang mga pag-aaway
ng marami at iba't ibang mga tagahanga
ng isang sikat na grupo, tambalan o nag-iisang artista.
Syempre, mawawala ba naman diyan ang politika
na hanggang ngayon ay isyu pa rin ang bulok na sistema?
Sa araw-araw na mga balita, dito ay sila lagi ang laman
na ika-iiling at ikasisigaw mo na lang ng: "Sila na naman?!"
Ilan lang ang mga 'yan sa mga nais kong banggitin
na sa tingin ko ay sapat na para makapag-iwan ng mga isipin.
Sa mga oras na ito ay ilan na rin kaya ang mga nagtataka?
Ikaw, hindi ka pa ba nagsasawa?
December 12, 2015
Ako'y Tutula by Darloine
YOU ARE READING
Ako'y Tutula
PoetryKoleksiyon ng mga tulang bunga ng kalayaan kong magpahayag ng sariling opinyon at damdamin tungkol sa lahat ng nakikita, naririnig, nararamdaman, nalalasahan at naaamoy ko rito sa mundo. Ako'y tutula... -D. Cover by: "Kai" (ang babaeng neutral sa mu...