[26] Wattpad
Dedicated to: all Filipino Wattpad users. English ulit ang title at dedication pero Taglish ang nilalaman. Trip ko lang, para sumaya naman ulit ako. Pampawala ng beast mode ngayong araw. Hay. :3
Ang gabi ng Biyernes at ang mismong araw ng Sabado at Linggo
ay tiyak kong mga panahong hinihintay mo.
Lalo na kung sa totoong mundo ay hindi masaya
kaya naman sa Wattpad ay naghahanap ng magandang mababasa.
Mga kuwentong maghahatid ng kilig at sa iyo ay magpapatili
ang mga nais mong basahin mapa-umaga man o gabi,
o mga kuwentong naglalaro sa iyong malikot na imahinasyon
ang iyong nais dahil ikaw ay dinadala nito sa kakaibang dimensyon.
Mayroon pang mga kuwento na nagpapasakit ng iyong tiyan
dahil sa hinahatid nitong sa 'yong mga katatawanan.
Mayroon din namang kuwentong nagdudulot sa 'yo ng hilakbot
tuwing gabi dahilan upang ikaw ay biglang magtakip ng kumot.
Ngunit mayroon pang iba't ibang kategorya
na naghihintay lang sa 'yo upang ituring kang bisita.
Naisipan mo na rin bang puntahan ang iba pang mundo
upang mamangha at sumaya rin sa angking ganda nito?
"Welcome to Wattpad" ang laging wika nila,
ngunit ang iba'y hindi naman ito madama.
Ang mga tao dito'y mabait ngunit madalas na mababangis
kaya naman 'di na ako nagtataka kung bakit ang iba'y umaalis...
November 26, 2015
Ako'y Tutula by Darloine
YOU ARE READING
Ako'y Tutula
PoesiKoleksiyon ng mga tulang bunga ng kalayaan kong magpahayag ng sariling opinyon at damdamin tungkol sa lahat ng nakikita, naririnig, nararamdaman, nalalasahan at naaamoy ko rito sa mundo. Ako'y tutula... -D. Cover by: "Kai" (ang babaeng neutral sa mu...