[42] Bida at Kontrabida
Inaalay ko: kay father at sa kaniyang homily. Inspired ang tulang ito sa mga sinabi niya kanina. Thank you father! :D
Hindi mabubuo ang isang kuwento kung walang bida
at hindi magiging maganda ang takbo nito kung walang kontrabida.
Nandiyan ang mga araw na kapag nagkikita'y biglang uusok sa galit
dahilan para ang maganda o guwapong mukha'y pumangit.
Inis o galit na nag-umpisa dahil sa isang alitan
at 'di nagtagal ay nauwi na sa pagsusumpaan.
Wika ng isa'y: "Mamatay ka na!"
Habang ang isa'y sasagot ng: "Mauna ka!"
Kung susuriin ito ay hindi kanais-nais malaman
ngunit ito'y tila normal na sa kasalukuyan.
Ang bida at kontrabida ay walang tigil sa pagpapalitan ng mga salita
at kung hihintayin itong humupa ay mamumuti lang ang mga mata.
Siguro sa paglipas ng panahon ay maaari nang igawad
ang kapayapaan ng puso't isip gawa ng pagpapatawad.
Ngunit sa ngayo'y mayroon pa itong malaking parteng gagampanan
na magtuturo naman ng mga bagay na dapat na matutuhan.
Sino nga ba ang dapat na ituring na bida o kontrabida?
Sa dulo ba ng kuwento'y kakikitaan na ng pagkakaisa?
Ngayon ay oras na para tayo naman ay magnilay-nilay
at tukuyin kung sino ba dapat ang bida't kontrabida ng ating buhay.
January 2, 2016
Ako'y Tutula by Darloine
YOU ARE READING
Ako'y Tutula
PoetryKoleksiyon ng mga tulang bunga ng kalayaan kong magpahayag ng sariling opinyon at damdamin tungkol sa lahat ng nakikita, naririnig, nararamdaman, nalalasahan at naaamoy ko rito sa mundo. Ako'y tutula... -D. Cover by: "Kai" (ang babaeng neutral sa mu...