[49] Konti na lang
Inaalay ko sa: panahong natitira para sa amin sa loob ng paaralan... Konti na lang makakatapos na kami ng pag-aaral. (Sana...) Ito ang binungad sa akin ng love month. <3
Inabot din ng isang buwan bago ko napag-isip-isip
na konti na lang ay babalik na rin sa dati ang oras ng pag-idlip.
Hindi ko na kailangang gumawa ng mga assignments sa tahanan
at higit sa lahat, oras na para lisanin na ng tuluyan ang paaralan.
Ang mga bagsak na subjects na kinakailangang balikan
ay sinong nakaaalam, pasasaan ba't maipapasa rin 'yan.
Pati na ang mga requirements na kailangang i-submit sa teacher
ay dapat ng asikasuhin nang makatambay ng matagal sa bleacher.
May mga exams pang kailangan ding pagtuunan ng pansin
upang sa hinaharap ay hindi na mag-iwan pa ng mga isipin.
Saka naman magpapapirma ng clearance sa opisina
ng adviser kasama ang mga malokong mga kaeskuwela...
Hindi kailanman isang sukatan ang nakuhang marka
sa mga quizzes at exams na bunga ng pandaraya
para masabing naging isang mabuting mag-aaral ang isang tao
dahil sa simpleng pagtukoy sa tama o mali, siya pa ay nalilito.
Ilang araw na lang ba bubunuin?
Ilang buwan na lang ba ang bibilangin?
Teka, mag-e-extend ka pa ba ng isa pang taon?
Ayos lang 'yan, ang mahalaga'y naliwanagan ka na ngayon.
February 1, 2016
Ako'y Tutula by Darloine
YOU ARE READING
Ako'y Tutula
PoetryKoleksiyon ng mga tulang bunga ng kalayaan kong magpahayag ng sariling opinyon at damdamin tungkol sa lahat ng nakikita, naririnig, nararamdaman, nalalasahan at naaamoy ko rito sa mundo. Ako'y tutula... -D. Cover by: "Kai" (ang babaeng neutral sa mu...