[33] Mga Dakilang Manunulat
Inaalay ko sa mga: dakilang manunulat ng ating bansa. Kinikilig ako dahil sa kanila. Hihi. :)
Marami ang mga kahanga-hangang tao
na sa pagsusulat ay may kanya-kanyang istilo.
Kanilang mga sinasabi ay nakaaaliw mabasa
at sa mga paksa nila'y matututo kang talaga.
Bihirang dumating ang mga pagkakataon
na sa mga salita nila ay mayroong kailangang itapon
dahil sa larangang ito sila'y mga pantas
at mga akda naman nila'y hindi aksaya sa oras.
Ang kanilang mga isinulat na tungkol sa reyalidad
ay maituturing na gawang dekalidad.
Hindi sayang sa oras kung babasahin
at kung gugustuhin ay maaari pang ulit-ulitin.
Saludo ako sa mga dakilang manunulat
na isang sandata ang kanilang mga panulat
at ang nais lang ay makapagparating ng mensahe sa masa
na siyang makikita at madarama sa pamamagitan ng pagbabasa.
Ngunit may isang malagim na katotohanan...
Ngayon kasi ay unti-unti nang namamatay ang panitikan.
Sino ba ang handang magpatuloy ng kanilang mga ginawa
para hindi matuluyan ang biglaan nitong pagkawala?
December 5, 2015
Ako'y Tutula by Darloine
YOU ARE READING
Ako'y Tutula
PoetryKoleksiyon ng mga tulang bunga ng kalayaan kong magpahayag ng sariling opinyon at damdamin tungkol sa lahat ng nakikita, naririnig, nararamdaman, nalalasahan at naaamoy ko rito sa mundo. Ako'y tutula... -D. Cover by: "Kai" (ang babaeng neutral sa mu...