[30] Noon at Ngayon
Inaalay ko sa: gusto palagi na karne ang ulam at sa hindi na makatulong kahit sa paghahain sa hapag. Ay, mali. Sa mga pangyayari noon at ngayon pala. :D
Noon, masaya na ang isang bata sa limang pisong baon
ngunit ang limang daang piso sa iba ay barya na lang ngayon.
Noon ay magaan pa ang pamumuhay dahil mura pa ang mga bilihin
ngunit ngayon ay para na itong mga ginto kung ituring.
Noon, ang buong araw ay masaya at kumpleto na
basta't kasama ang mga kaibigan at pamilya.
Ngunit ngayo'y produkto na ng teknolohiya ang laging kaharap
at ang makilala ng lahat na ang minimithing pangarap.
Noon, walang lugar sa mundo ang mga maaarte
dahil ang lahat ay kuntento na sa buhay na simple.
Ngunit ngayon sa mga luho ay takam na takam
at ang gusto palagi ay karne ang ulam.
Noon ay masaya na ang buong araw dahil sa mga laruan
at busog pa sa mga kuwentuhan at tawanan.
Ngunit ngayo'y halos hindi na makatulong sa paghahain sa hapag
dahil puro text, chat, tweet, post, at laro ang inaatupag.
Sino nga ba ang maglalakas-loob na tumanggi
kung halos lahat naman ay ito ang mga sinasabi:
"Naaalala mo pa ba ang mga ginagawa natin noon?"
"'Di ba't mas masaya tayo noon kaysa ngayon?"
December 2, 2015
Ako'y Tutula by Darloine
VOUS LISEZ
Ako'y Tutula
PoésieKoleksiyon ng mga tulang bunga ng kalayaan kong magpahayag ng sariling opinyon at damdamin tungkol sa lahat ng nakikita, naririnig, nararamdaman, nalalasahan at naaamoy ko rito sa mundo. Ako'y tutula... -D. Cover by: "Kai" (ang babaeng neutral sa mu...