အရံဇာတ်ပို့မှ ဇာတ်လိုက်အကျော်အမော် အဖြစ်သို့ [ဘာသာပြန်]

အခန်း(၆) မူရင်းဝတ္ထုရဲ့ ခေါင်းဆောင်မင်းသားကို ပထမဆုံးအကြိမ် တွေ့ဆုံခြင်း

အခန်း(၆) မူရင်းဝတ္ထုရဲ့ ခေါင်းဆောင်မင်းသားကို ပထမဆုံးအကြိမ် တွေ့ဆုံခြင်း

ထိုအချိန်တုန်းက ချင်းချွမ်မှာ အာဏာကြီးမားသူတစ်ယောက် မဟုတ်သေးသော်လည်း ကျန့်ယိလင်အတွက်တော့ ထူးခြားတဲ့ဖြစ်တည်မှု တစ်ခုလိုပင်။

သူမရဲ့ သီးသန့်ကျူရှင်ဆရာအဖြစ် ရပ်နားသွားသောအခါ ချင်းချွမ်နဲ့ ကျမ့်ယိလင် အဆက်အသွယ်လုံးဝ ပြတ်သွားခဲ့တာတော့ ရင်နာဖို့ ကောင်းသည်။

သို့သော်လည်း ကျမ့်ယိလင်က သူ့ကို ဘယ်တော့မှ မမေ့ခဲ့ပါ။

ကျမ့်ယိလင်တစ်ယောက် ချင်းချွမ်ကို ပြန်တွေ့ရတော့ သူ့ပုံစံက သူမ မှတ်မိခဲ့သည့် ပုံစံ အတိုင်းပင်။ သို့သော်လည်း အရွယ်ရောက်ကာ ပိုမိုရင့်ကျက်လာပြီး သူ့ရဲ့ ဂုဏ်ဒြပ်တွေပါ ပြောင်းလဲသွားခဲ့သည်။ ဆင်းရဲသားကောင်လေး ဘဝမှ စီးပွားရေးအကျော်အမော်ကြီး တစ်ယောက်အဖြစ် ပြောင်းလဲသွားခဲ့သည်။

သို့သော်လည်း ကျမ့်ယိလင်က ဒါတွေ ဂရုမစိုက်ပါ။ သူ့ကို သဘောကျတာပဲ သိသည်။ ကမ္ဘာကြီးတစ်ခုလုံးက သူမကို စွန့်ပယ်ထားသည့်အခါ သူမနားမှာနေခဲ့တာ ချင်းချွမ် တစ်ယောက်တည်းသာ ရှိပါသည်။

သို့သော်လည်း ချင်းချွမ်က မိုရှစ်ယွင်နဲ့ ချစ်ကြိုက်သွားခဲ့သည်။

ငယ်စဉ်ကလေးဘဝကတည်းက ပိုးမွေးသလို မွေးကာ အလိုလိုက်ခံထားရသည့် ကျမ့်ယိလင်နဲ့ ယှဉ်လိုက်ပါက ကိုယ့်အားကိုယ်ကိုးပြီး အောင်မြင်မှုများ ရရှိခဲ့သည့် မိုရှစ်ယွင်နဲ့ သူပိုပြီး အဆင်ပြေခဲ့သည်။

နှစ်ယောက်သား တစ်ယောက်ကိုတစ်ယောက် ချစ်မြတ်နိုးခဲ့တာ ယောက်ျားက ပါရမီပြည့်ဝ၊ မိန်းမက လှပသော စံပြစုံတွဲလေးတစ်တွဲ ဖြစ်လာခဲ့ပါသည်။

ထိုအချိန်တုန်းက ကျမ့်ယိလင် လုံးဝ စိိတ်ချောက်ချားသွားခဲ့ရသည်။ ချင်းချွမ်ကို မပိုင်ဆိုင်နိုင်တော့သဖြင့် သူ့ကို ဖျက်ဆီးဖို့ ဆုံးဖြတ်ခဲ့သည်။

သူမ မပိုင်ဆိုင်နိုင်သည့်အရာကို ဖျက်ဆီးပစ်မည်။

သို့သော်လည်း အဆုံးသတ်မှာတော့ သူမ ဖျက်ဆီးနိုင်ခဲ့သည့် တစ်ဦးတည်းသောလူက သူမကိုယ်တိုင်သာ ဖြစ်သည်။