071
လျန်ဖုံးကေား ထိုနေရာမှာပဲ ဆောင့်ကြောင့်ထိုင်ချမိကာ စူးယီမော့က သူ့အင်္ကျီဆွဲချွတ်နေတာကို မတားမိနေဘူး ။
စူးယီမော့ကတော့ လျန်ဖုံးကေား ဒဏ်ရာရမရကို အဖန်ဖန်လှန်လျောကာ စစ်ဆေးပြီးမှ ရင်ထဲက အလုံးကျသွားတော့တယ် ။
လျန်ဖုံးကေား လက်မြှောက်ပြီး စူးယီမော့ရဲ့ ဒဏ်ရာရနေတဲ့ လက်ကို အုပ်ကိုင်လိုက်တယ်၊ အရူးလို ဒဏ်ရာရမရစစ်နေတဲ့သူကို တားတာဖြစ်သလို သူ့လက်မောင်းက သွေးတွေလည်း စီးတာလျော့သွားအောင်ပေါ့ ။ နှစ်သိမ့်သောအသံနဲ့ သူ အသံတိုးတိုးပါပြောလေတယ်
" ငါဘာမှ မဖြစ်ဘူး ၊ အဲ့ဒါ မင်းရဲ့ သွေးတွေပါ "သူ့စကားကို စူးယီမော့ကြားမှ ရင်ထဲပေါ့သွားပြီး လက်မောင်းက ပူစပ်စပ်နာနေတာကို ခံစားမိတော့တယ် အခု ထုံတောင်ထုံနေပြီ ။
လျန်ဖုံးကေား အင်္ကျီအနားသားကို ဖြဲချကာ စည်းနှောင်မှုတချို့ လုပ်ပေးလေတယ် ။
စူးယီမော့က လျန်ဖုံးကေား သေချာစွာလုပ်ပေးနေပုံကို စိုက်ကြည့်ရင်း ရုတ်တရက်မေးမိတယ်
" ဘာလို့ ရုတ်တရက်ထွက်လာပြီး ကိုယ့်အစား ကျည်ဆံလာကာပေးရတာလဲ ? မင်းအခု ကိုယ့်ရဲ့ အလုပ်ကို လက်မခံထားဘူးလေ ၊ ဒီလိုလုပ်ဖို့ မလိုပါဘူး "လှုပ်ရှားမှုက ဦးနှောက်ထက်မြန်သွားတယ်လို့ ပြောလို့ရမလား ? သူက စူးယီမော့ဒဏ်ရာရတာကို မမြင်ချင်ရုံသက်သက်ပဲလေ ။
လျန်ဖုံးကေား သက်ပြင်းချမိကာ စူးယီမော့ လျန်လျောကြည့်ထားတဲ့ အင်္ကျီကို လက်ညိုးထောက်ပြကာ ပြောတယ်
" ငါ့မှာ ကျည်ကာအင်္ကျီရှိတယ် ၊ ဒါ့ကြောင့် အကြောက်အလန့်မရှိတာ ။ မင်းပဲ ၊ ဘာလို့ ငါ့ကို ကိုယ်အောက် ပြန်ကာထားရတာလဲ ? "" မင်း ဒဏ်ရာရတာကို မမြင်ချင်လို့ပါ "
စူးယီမော့က သူ့ကို သေချာစွာစိုက်ကြည့်ကာ ပြောနေရင်း ရုတ်တရက် သူ့လက်ကို ဆုပ်ကိုင်လိုက်ကာ လေးနက်နေသော လေသံဖြင့် သေချာမှာကြားကာပြောတယ်
" နောက်ဆို ဒီလောက်အန္တရယ်များတဲ့ အလုပ်မလုပ်နဲ့တော့ ၊ ကျည်ကာဝတ်ထားလည်း မစွန့်စားရဘူး ! တဖက်က စနိုက်ပါ ၊ ကျည်ကာကို ဖေါက်ထွက်နိုင်တယ် ! မင်း ဒဏ်ရာရတာ တကယ်မမြင်ချင်ဘူး ! ငါ စိတ်ပူမိလိမ့်မယ် ဝမ်းနည်းမိလိမ့်မယ် , အပြစ်တင်မိလိမ့်မယ် ...ဒါ့ကြောင့်....ငါ့ကို ကတိပေးပါကွာ သူများအတွက်နဲ့ ကိုယ့်ကိုကိုယ် အန္တရယ်တောထဲ မနေပါနဲ့တော့...."
YOU ARE READING
လူစားထိုး
Actionခေါင်းစဉ် 《替身》လူစားထိုး 作者:北棠墨 မူရင်းရေးသားသူ -ပေထန်မော့ ဘာသာပြန် May Tulips Love အခုခေတ်နောက်ခံ 1 V 1 , HE Zawgyi နဲ့က နောက်တအုပ်ရေးထားပေးတယ်နော်