နတ်နဂါးစစ်သည်
အခန်း ၁၂၂
( ယုံကြည်ပါတယ်…. )
အနောက်တံခါးဝ၏ သခင်ကြီး သုံးဦး၊ ဆိပ်ကမ်းလုံခြုံရေးမှူး နှင့် အခြားသူများ မျက်မှောင်ကြုံ့လေပြီ။ အားလုံး စိတ်မရှည်ကြတော့။
ရှုချန်း၏ လူများ စစ်ဆေးပြီးသည့်တိုင် အဘယ်အကြောင်းကြောင့် ရှုချန်း ကိုယ်တိုင် စစ်ဆေးနေရသနည်း။
ရှုချန်းလည်း ဘာမှ မပြောပဲ သင်္ဘော ကုန်းပတ်ပေါ်သို့ တက်သွားကာ ဝူကန်း အား “ ပုဆိန် သွားရှာလိုက် “ ဟု ပြော၏။
ဝူကန်း နားမလည်နိုင် ဖြစ်သွားသော်လည်း သင်္ဘောပေါ်ရှိ ပစ္စည်းကိရိယာများ ထည့်ထားသည့် ပုံးအတွင်းမှ ပုဆိန် တလက်ကို ရှာတွေ့လိုက်၏။
“ ခေါင်းဆောင်… ကျုပ် ဘာလုပ်ရမလဲ… “
သင်္ဘောကပ္ပတိန်ကို ရှုချန်း ကြည့်လိုက်၏။ မျက်နှာသေနှင့် ဖြစ်နေသော ထိုသူအား ရှုန်ချန်းက ထပ်မံ၍ ...
“ ခင်ဗျားကို ထပ်မေးမယ်… ပိုက်ဆံတွေ ဘယ်မှာ ဖွက်ထားလဲ… “
သင်္ဘော ကပ္ပတိန်က “ ခင်ဗျား ဘာတွေ ပြောနေတာလည်း မသိဘူး… ခင်ဗျားတို့ ရဲတိုင်းက လူတွေကို အတင်း ဝန်ခံခိုင်းရတာ ကြိုက်တာလား… “
အနောက်တံခါးဝမှ သခင်ကြီး သုံးဦး အပါအဝင် အခြားသူများ အားလုံးကို ရှုချန်း တချက် ဝေ့ကြည့်လိုက်ပြီး “ ခင်ဗျားတို့အားလုံး ဝန်မခံချင်ဘူးပေါ့… “
“ လီချောင် … ဝူကန်း… “
“ ဟုတ်ကဲ့ ခေါင်းဆောင်… “
“ သင်္ဘောအောက်ဆုံးထပ်က အိပ်ခန်းထဲကို သွား… “
နှစ်ဦးသား ပုဆိန်ကို ယူကာ သင်္ဘောဝမ်းထဲ ဆင်းသွားကြ၏။ မကြာမီမှာပင် အိပ်ခန်းကို တွေ့လိုက်ကြသည်။
“ ခေါင်းဆောင်… ကျုပ်တို့ ရောက်ပြီ… “
“ အေး… အိပ်ယာကို ရှာကြည့်… “
နှစ်ဦးသား အိပ်ယာကို ရှာသော်လည်း မည်သည့် မသင်္ကာစရာကိုမျှ မတွေ့ခဲ့ရပေ။
“ ဘာမှ မရှိဘူး ခေါင်းဆောင်… “
ရှုချန်းလည်း ဝူကန်း နှင့် လီချောင် အား ညွှန်ကြားနေရာမှ သင်္ဘော ကပ္ပတိန်ကို ကြည့်လိုက်ကာ...
“ အဲဒီ မွေ့ယာက ၂၀ စင်တီမီတာလောက် ထူတယ်… ခွဲပြီး အတွင်းပိုင်းကို သေချာ စစ်ဆေးကြည့်… “
YOU ARE READING
နတ်နဂါးစစ်သည်
Fantasyနတ်နဂါးစစ်သည် (Chapter - 1274 ( completed ) ဘာသာပြန်စာရေးဆရာ - တင်အောင်ခိုင် ဗြိတိန်တွင် SIS ၊ US တွင် CIA ရှိသလို ဟွာရှတွင် ဆန်းကြယ်သည်ဟု လူသိများသည့် နဂါးတပ်ဖွဲ့ တစ်ခု ရှိပေသည်။ ယခင်က အရွေးမခံခဲ့ရသော စစ်သည်တစ်ဦးသည် နဂါးတပ်ဖွဲ့၏ စာရင်းတွေ နောက်တဖန...
