နတ်နဂါးစစ်သည်
အခန်း ၁၇၄
( ပြည့်စုံသော လမ်းကြောင်း )
ရှုချန်း စကားကြောင့် စီနီယာ စစ်သားများ အားလုံး အနည်းငယ် ရှက်သွားကြ၏။
ဝေ့ယွမ် က..
" မင်း ဘာတွေ ပြောနေတာလဲ... ငါက သေးသေးမွှားမွှားကအစ ဂရုစိုက်တဲ့ကောင်... "
လောင်ရှုဟန် က...
" မင်း အဲ့လို သေးသေးမွှားမွှားက အစ ဂရုစိုက်တတ်တယ်ဆိုရင် မင်းကောင်မလေးက မင်းကို စာနာစိတ် မရှိတဲ့ကောင်ဆိုပြီး ထားသွားမလား စော်ပစ်ကောင်ရ... လျှောက်ပြောနေတယ်... "
ဝေ့ယွမ် နှင့် လောင်ရှုဟန် တို့ စကားနိုင်လုနေကြချိန်တွင် အခြားသူများက တဟားဟား ရယ်မောနေကြသည်။
စောင့်ကြည့်ရေးစင်တာမှ လေ့သာသုံးသပ်သူများက...
" စီနီယာ စစ်သားတွေ ဒီလို အချိန်ဆက်ဆွဲနေရင် ခုခံရေး အဖွဲ့အတွက် အကျိုးပိုများလာလိမ့်မယ်... သာမန် ခုခံရေး ဗျူဟာဆို မှောင်လာတာနဲ့အမျှ တိုက်ခိုက်မှုကို ခုခံဖို့ ပိုခက်လာတယ်... ဒါပေမဲ့ ဟူပင်း ရဲ့ ဗျူဟာက မှောင်လာလေလေ ချုံခိုတိုက်ရတာ ပိုပြီး လုံခြုံလေလေပဲ... အမှောင်က သူတို့ကို ပိုအကျိုးရှိစေမှာ... "
ကြီးကြပ်ရေးမှူးက...
" ဒါက ဟူပင်း ရဲ့ ကျွမ်းကျင်မှုတွေထဲက တစ်ခုလေ... ဒီကောင်က တကယ်တော်တယ်... သူ့ ဒေါသကို ထိန်းချုပ်နိုင်ဖို့ပဲ လိုတာ... ဒီပြိုင်ပွဲက သူ့အတွက် အရမ်းမခက်ဖို့ ငါ မျှော်လင့်ပါတယ်... "
တစ်ဖက်တွင် နေလုံးကို ကွယ်ပျောက်ကာ အမှောင်ထုမာ တစတစကြီးစိုး လာလေပြီ။
ရှုချန်းက...
" နေဝင်သွားပြီ... " ဟု တိုးတိုးကလေး ရေရွတ်လိုက်၏။
ဝေ့ယွမ် က...
" ရှုချန်း... ငါတို့ အချိန်ဆွဲထားရမလား... ရုတ်တရက် ဘွားကနဲ တိုက်ခိုက်ဖို့ ညသန်းခေါင်အထိ စောင့်ကြမှာလား... "
ရှုချန်း ခေါင်းခါယမ်းလိုက်ပြီး...
" တစ်ညလုံး ဒီမှာ မနေချင်ပါဘူး... အဆောင်ပြန်ပြီး ရေချိုးချင်သေးတယ်... "
YOU ARE READING
နတ်နဂါးစစ်သည်
Fantasyနတ်နဂါးစစ်သည် (Chapter - 1274 ( completed ) ဘာသာပြန်စာရေးဆရာ - တင်အောင်ခိုင် ဗြိတိန်တွင် SIS ၊ US တွင် CIA ရှိသလို ဟွာရှတွင် ဆန်းကြယ်သည်ဟု လူသိများသည့် နဂါးတပ်ဖွဲ့ တစ်ခု ရှိပေသည်။ ယခင်က အရွေးမခံခဲ့ရသော စစ်သည်တစ်ဦးသည် နဂါးတပ်ဖွဲ့၏ စာရင်းတွေ နောက်တဖန...