မင်းအွန်လိုင်းဖြစ်မယ့်အချိန်ကို စောင့်နေတယ်(ဘာသာပြန်)

014:ဘယ်သူက ဘယ်သူ့ကို တိုက်ခိုက်တာလဲ

Unicode

ထုန်ရွှမ် သည် ဟဲကျင့် ကို လျစ်လျူရှုလိုက်သည်။ဟဲကျင့် သည်လည်း မိန်းကလေးများ၏ အတင်းအဖျင်းစကားတွင် မပါဝင်နိုင်သောကြောင့် သူ့စိတ်သည် တဖြည်းဖြည်း သူ့ပြဿနာများကို တွေးတောလာသည်။

သူသည် ဤနှစ်များအတွင်း ပျင်းရိဖွယ်ကောင်းသော ကောလိပ်ကျောင်းသားဘဝအကြောင်းကို တွေးတောနေမိသည်။ မွန်မြတ်တဲ့ ချစ်ခြင်းမေတ္တာတောင်မပြောနဲ့ သူ့မှာ ခံစားချက်တွေ ကို ပြောပြနိုင်တဲ့ သူငယ်ချင်းတောင် မရှိခဲ့ပေ။ညဉ့်နက်တဲ့အထိ မကစားဖူးသလို အပြင်ထွက်ပြီး တခြားသူတွေလို လဲ မူးအောင် မသောက်တတ်ပေ။...

သူသည် ဟုန်တုန်ယွမ် ၏ ဂိမ်းကစားခြင်းကို နှစ်သက်ပုံ ကို အားကျသည်။ကျောက်ရှီပိုင်နှင့် သူ့ရည်းစား၏ ရန်ဖြစ်ခြင်းကို အားကျပြီး တင်းနစ်ကလပ်အဖွဲ့ဝင်များ ဖြစ်ကာ တက်ကြွတဲ့ လူငယ်လေးများဖြစ်သည့် ရှန် နှင့် ချင်ယွီ ကိုလဲ အားကျ၏။

သူ့ကိုယ်ပိုင်လွတ်လပ်မှု၏အဆုံးသတ်ကိုတွေးတောရင်း ဟဲကျင့် ၏နှလုံးသားထဲတွင် မလိုလားခြင်း နှင့် နောင်တများဖြင့် ပြည့်နှက်နေသည်။ ရိုးရိုးသားသားပြောရရင် သူက အပြင်လောကကို စူးစမ်းချင်စိတ်ရှိတုန်းပဲ အနားယူပြီး သူ့မျက်လုံးများနဲ့ ကိုယ်တိုင် ကြည့်ရှူ ချင်လေသည်။

ဒါပေမယ့် အဲဒီအမျိုးသမီးက ဘယ်တော့မှ သဘောတူမှာမဟုတ်ပေ။သူသည်လည်း သူ့အမေလက်နဲ့ သေဖို့ သတ္တိမရှိပေ။

ဟဲကျင့် သည် လေးလေးနက်နက်တွေးကာ အပြာရောင်ကောင်းကင်ကြီးကို မျှော်ကြည့်နေသည်မှာ သူ့အတွက် စီစဉ်ပေးထားသည့် သူ၏အနာဂတ်လမ်းကြောင်းကို ကြည့်နေသလို သူ့အမူအရာက မွဲခြောက်ခြောက်နှင့် အသက်မဲ့လှပေသည်။

နားမလည်နိုင်စွာပင် ဟဲကျင့် ၏စိတ်သည် မီး ဆီ သို့ပြန်လှည့်လာပြီး မီး သည် ရှစ်နှစ်ကြာအောင်စောင့်ဆိုင်းခဲ့ရကြောင်းကို တွေးလိုက်မိသည်။

၎င်းသည် အတုယောင် ကမ္ဘာတွင်သာဖြစ်ပွားခဲ့သော်လည်း လွန်ခဲ့သော နှစ်အနည်းငယ်က ဟဲကျင့်၏သာမာန်အရာများဖြင့် ပြည့်နှက်နေသော နေ့များထဲတွင် ကြုံတွေ့ခဲ့ရသည့်တစ်ခုတည်းသောပုံမှန်မဟုတ်သောအရာလည်းဖြစ်သည်။