မင်းအွန်လိုင်းဖြစ်မယ့်အချိန်ကို စောင့်နေတယ်(ဘာသာပြန်)

060:သူ့ကိုလျှော့စျေးပေးပေးနော်

Unicode

၁၀ မိနစ်ခန့် လမ်းလျှောက်ပြီးနောက် နောက်ဆုံးတွင် ချင်ယွီ မကြာခဏ လာလေ့ရှိသော စတိုးဆိုင်ရှေ့သို့ ရောက်ခဲ့ကြသည်။ အပြင်ဘက်မှ ကြည့်ရသည်မှာ ဟောင်းနွမ်းနေသည့် မိသားစု အဆောက်အဦး တစ်ခုလို ဖြစ်နေသော်လည်း အတွင်းပိုင်းတွင်တော့ တင်းနစ်နှင့် ပတ်သက်သည့် အရာမျိုးစုံဖြင့် ပြည့်နှက်နေကာ လင်းလက်နေလေသည်။

ဆိုင်ပိုင်ရှင်က ချင်ယွီနဲ့ရင်းနှီးပြီး သူတို့နှစ်ယောက်ကို တွေ့သောအခါ သူငယ်ချင်းတစ်ယောက်ခေါ်လာတာကိုသိပြီး အလွန်ပျော်ရွှင်နေဟန်ဖြင့် "ရှောင်ချင်" ဟု နွေးထွေးစွာခေါ်လာလေသည်။

ရတ်ကတ်ကို ရွေးတဲ့ လုပ်ငန်းစဉ်က အတော်လေး မြန်ဆန်ပါ၏။ အတန်ငယ်မြင့်မားသောစျေးနှုန်း/စွမ်းဆောင်ရည်အချိုးဖြင့် တစ်ထောင်ခန့်ကုန်ကျ
မည့်တစ်ခုကို ရှာဖွေခဲ့ကြသည်။ မော်ဒယ်အချို့ကို ကြည့်ရှုပြီးနောက် ကာဗွန်ဖိုင်ဘာများဖြင့် ကျယ်
ပြန့်သော မျက်နှာပြင်ရှိပြီး အလွန်ပေါ့ပါးသည့် ရတနာတစ်ခုကို နောက်ဆုံးတွင်သူတို့ ရွေးချယ်ခဲ့
သည်။

ဆိုင်နောက်ဘက်တွင် ကုန်ပစ္စည်းအနည်းငယ် သိမ်းဆည်းထားသည့် အခန်းတစ်ခန်းရှိသည်။ သူတို့သည် အသိအကျွမ်းများဖြစ်သောကြောင့် ပိုင်ရှင်သည် ဟဲကျင့် ကို စမ်းသုံးခွင့်ပေးရန် အခန်းတွင်းမှ အသစ်စက်စက် ရတ်ကတ်များအားလုံးကို ထုတ်ယူခဲ့သည်။ ဟဲကျင့် သည် 1080 ယွမ် စျေးရှိသော ရတ်ကတ်တစ်ခုကို တွေ့ရှိခဲ့သည်။ နောက်ဆုံးတွင် သူသည် လက်ကိုင်ပါးသည့် ရတ်ကတ်များ သည် မည်မျှ သက်တောင့်သက်သာ ရှိသည်ကို သဘောပေါက်လိုက်သည်။သူ့လက်ထဲတွင် ကိုင်ရတာ ပိုပြီးသက်တောင့်သက်သာရှိသည်ကို ခံစားလိုက်ရသည်။

ဟဲကျင့် စမ်းသုံးနေစဉ်တွင် ချင်ယွီက ပိုင်ရှင်ကို ဘေးသို့ တိတ်တဆိတ် ဆွဲလိုက်ပြီးတိုးတိုးလေးပြောလာသည်။

"အာ ဦးလေးလီ သူ့ကိလျှော့စျေးလေးပေးပေးပါ"

"မင်း တခြားဆိုင်တွေကို သွားကြည့် အဲဒီရတ်ကတ် က ၁၆၀၀ လောက်ကျမှာ!"

စိတ်လှုပ်ရှားနေသော ဆိုင်ပိုင်ရှင်က အရေးတကြီးပြောသည်။