မင်းအွန်လိုင်းဖြစ်မယ့်အချိန်ကို စောင့်နေတယ်(ဘာသာပြန်)

029: လက်ရေးက လူကို ရောင်ပြန်ဟပ်စေတယ်

Unicode

ကံကောင်းထောက်မစွာ  ဂိမ်းသည် ဂိမ်းတစ်ခုသာဖြစ်ပြီးဟဲကျင့် သည် ထိုနတ်ဆိုးလေး ကို တတ်နိုင်သမျှ ဤနေရာတွင် ပျော် အောင်လိုက်ကစားပေးမည်ဖြစ်သည်။စိတ်မပူနဲ့ အဲ့ဒါက ကိုယ့်ကိုကိုယ် ပျံသန်းခွင့်ပေးတဲ့နေရာပဲ! သူသည် မိမိကိုယ်ကို နှစ်သိမ့်ရန် ကြိုးစားခဲ့သည်။

သူ့ကျင့်ဝတ်သိက္ခာက အနိမ့်ဆုံးအထိ ကျသွားရင်တောင် အရေးမကြီးပေ။ ဒီနေရာသည် အတုယောင်ကမ္ဘာတစ်ခုသာ ဖြစ်ပြီး အရမ်းတွေတင်းကြပ်နေဖို့ မလိုပေ။ ဘယ်လိုပဲဖြစ်ဖြစ် သူ့အစစ်အမှန်ကို ဘယ်သူမှ သိနိုင်မှာမဟုတ်ပါဘူးလေ...

ဟုန်တုန်ယွမ် နဲ့တော့ နောက်ပိုင်း ဂိမ်းထဲမှာ အချင်းချင်း ဆုံတွေ့နိုင်သည့် အလားအလာတော့ရှိ၏။သို့သော်လည်း မျောက်ရဲ့ အကျင့်စရိုက်အရ ဟဲကျင့်က နတ်ဆိုးဇာတ်ကောင်အဖြစ် သရုပ်ဆောင်ထားရင်တောင် စိတ်ရှုပ်မှာမဟုတ်ဘူးလို့ ခံစားမိတဲ့အတွက် သော့ချက်က သူ့ကိုယ်သူသာ စိတ်အေးအေးထားဖို့လိုတာပင် စ်တ်အေးအေးထား  စိတ်အေးအေးထား...

သူ့ကိုယ်သူ ယုံကြည်ပြီးနောက် ဟဲကျင့်သည် ငြိမ်းချမ်းစွာ အိပ်ပျော်သွားခဲ့သည်။

ဟဲကျင့် သည် ထိုညက အိပ်မက်မမက်ခဲ့ဘဲ နှစ်နှစ်ခြိုက်ခြိုက် အိပ်ပျော်ခဲ့လေသည်။

မကြာမီ မှာပင် နောက်တစ်နေ့ စနေနေ့ရောက်လာခဲ့သည်။ ဟဲကျင့်တွင် ယနေ့စီစဉ်ထားသည့် မည်သည့်လှုပ်ရှားမှုမှမရှိပေ ။ ကျောင်းသားသမဂ္ဂမှ နှုတ်ထွက်ပြီးနောက် ရုတ်တရက် အားလပ်ချိန်များစွာ ရခဲ့သည်။ တတိယနှစ်ကျောင်းသားတစ်ယောက်အနေဖြင့် အိမ်စာတွေနဲ့ ရှုပ်နေပေမယ့် သူ့လို စည်းကမ်းကြီးတဲ့သူအတွက် ကိုင်တွယ်ရတာ လွယ်တုန်းပါပဲ။

မနက်မိုးလင်းသည့် အခါတွင် ဟဲကျင့် သည် စာလေ့လာရန် ခဏလောက်သွားပြီးသည့်အခါ ကျောင်းရဲ့ အချိန်ပိုင်းစင်တာ ရှိ စာရင်းပေးထားတဲ့ အချိန်ပိုင်း အလုပ်တွေကို သွားကြည့်ခဲ့လေသည်

လူမူရေးရာစီမံခန့်ခွဲမှုနယ်ပယ်တွင် အချိန်ပိုင်းအလုပ်တစ်ခုရှာရန် မလွယ်ကူပေ။ ကျူရှင်ဆရာအလုပ်ကိုလရှာချင်သော်လည်း အများစုမှာ ကာယဓာတုဗေဒဌာနမှ လူများကို ရှာဖွေနေခြင်းသာရှိပြီး အလုပ်သင်ကမ်းလှမ်းမှု အရေအတွက်မှာလည်း အလွန်နည်းပါးသည်။ယခုအချိန်သည် နွေရာသီ သို့မဟုတ် ဆောင်းရာသီအားလပ်ရက်မဟုတ်သောကြောင့် ကျောင်းသားများသည် နာရီပေါင်းများစွာ အလုပ်လုပ်နိုင်မည်မဟုတ်ပေ။