မင်းအွန်လိုင်းဖြစ်မယ့်အချိန်ကို စောင့်နေတယ်(ဘာသာပြန်)

149:တသက်လုံးစောင့်နေမယ်

Unicode

ဟဲကျင့် ၏ မျက်လုံးများ ပြူးကျယ်လာပြီး မျက်ရည်များ စီးကျလာကာ သူ့ခေါင်းသည်လည်း ချင်ယွီပြောလိုက်သည့်စကားကြောင့်  ထုံကျင်သွားရသည်... ချင်ယွီရှေ့မှာသူဒီလိုစကားမျိုးပြောခဲ့ဖူးတာလား?သူအရက်မူးပြီးနောက်မှာ အဲ့လိုထိတောင်ပြောထွက်ခဲ့တာလား?

ချင်ယွီသည်ဟဲကျင့် ၏လက်ကိုထပ်၍မြှောက်ကာဖြင့်ချိန်းခြောက်လာပြန်သည်

"ငါ့ကိုကြည့်ပြီး မင်းကျိန်လိုက် မင်းမိဘတွေကိုတိုင်တည်ပြီးတော့ မင်းငါ့ကိုနောက်ထပ်မလိုချင်တော့ဘူးလို့ပြောလိုက်! မင်းငါနဲ့လုံးဝနောက်ထပ်ပတ်သက်စရာမရှိတော့ဘူးလို့ပြောလိုက်! အဲ့လိုဆို ငါ ချင်ယွီက ဒီဘဝမှာမင်းကိုလုံးဝမနှောင့်လှက်တော့ဘူး!ပြောလိုက်!"

ဟဲကျင့် ဘယ်လိုလုပ်ပြောထွက်မှာတဲ့လဲ?သူသည် မသိစိတ်က ခေါင်းကို ခါယမ်းလိုက်ပြီး သူ၏ နောက်ဆုံး စိတ်ပိုင်းဆိုင်ရာ ကာကွယ်ရေးစည်းက လုံးဝ ပြိုကျသွားတော့သည်။ သုံးနှစ်ကြာဝတ်ထားခဲ့တဲ့ မျက်နှာဖုံးက သူ့ရဲ့ငိုနေတဲ့မျက်နှာကို မဖုံးကွယ်ထားနိုင်တော့ပါချေ။

ချင်ယွီသည်ဟဲကျင့်ရဲ့ သနားဖို့ကောင်းသည့်အခြမ်းကိုကြည့်နေခဲ့သည်။သူကသူရဲ့အေးဆေး တည်ငြိမ်ချင်ယောင်ဆောင်ထားသည့် အပေါ်ယံမျက်နှာပြင်ကိုမထိန်းထားနိုင်တော့ပဲ သူ့ရဲ့မာနတွေ သူ့ကိုယ်သူတန်ဖိုးထားတာတွေလည်းမရှိတော့ဘဲ နောက်ဆုံးတော့ သူ့အစစ်မှန်ကိုပြလာခဲ့လေသည်။ချင်ယွီမှာတော့ သူ့ကိုတင်းတင်းကြပ်ကြပ်သာပွေ့ဖက်ထားချင်လိုက်တော့တာပါပဲ

ချင်ယွီကဟဲကျင့်ကို သူနဲ့နီးအောင်ဆွဲခေါ်လိုက်ပြီး သူ့လက်မောင်းထဲဖက်ထားခဲ့လေသည်။ အဲဒီလိုလုပ်တဲ့အချိန်မှာတော့ သူ့မျက်လုံးထောင့်တွေလည်း စိုစွတ်စပြုလာတော့ပါ၏

တခြားလူတွေအတွက်တော့ သုံးနှစ်ဆိုတာ မျက်စိတစ်မှိတ်အတွင်း ဖြတ်သန်းရသည့်ကာလတစ်ခုပါပင်။ သို့သော်ဟဲကျင့်နှင့်ချင်ယွီအတွက်တော့ သူတို့သည် စိတ်ပျက်အားငယ်မှု၊ အထီးကျန်မှုနှင့် ရုန်းကန်မှုများဖြင့်တစ်သက်တာ စောင့်ခဲ့ရသလို ခံစားခဲ့ရသည်။ဟဲကျင့် သည် စိတ်အားထက်သန်သည့်ဟော်မုန်းများဖြင့် တွန်းအားပေးနေသည့် အချစ်ရေးကသူ့နှလုံးသားထဲတွင် နက်နဲသော အမှတ်အသားအဖြစ် ကျန်နေခဲ့လိမ့်မည်ဟုဘယ်တုန်းကမှ မမျှော်လင့်ခဲ့ပေ။