မင်းအွန်လိုင်းဖြစ်မယ့်အချိန်ကို စောင့်နေတယ်(ဘာသာပြန်)

142:နေရာတိုင်းမှာအမာရွတ်တွေချည်းပဲ

Unicode

သွမ့်ရှုရုန်သည် ဟဲကျင့်က  သူမအား ပြတ်ပြတ်
သားသား ငြင်းလိမ့်မည်ဟု မမျှော်လင့်ထားပေ။

ဟဲကျင့် က မိန်းကလေးတွေကို ဒီလိုနည်းနဲ့ ငြင်းခဲ့တာလား?

သူမ ဒေါသဖြစ်သင့်သည်။ တခြားမိန်းကလေးတွေအကြောင်းတော့ သူမသေချာမသိပါချေ- သူ့အတွက်ကတော့ သူ့ရဲ့အတန်းဖော်ဟောင်းကိုတွေ့ဖို့ဒါမှမဟုတ် ဟဲကျင့် ရဲ့အမေကိုစိတ်ဆိုးအောင်လုပ်ဖို့ လို့ပြောနေပေမယ့်လည်း ဟဲကျင့်ကို သူမနှလုံးသားထဲမှာ နက်နက်ရှိုင်းရှိုင်းချစ်နေသေးတာကိုသူမသိလေသည်။ ဒါပေမယ့်လည်း ငြင်းဆိုမူတစ်ခုသာဖြစ်လာခဲ့ပါ၏။ သွမ့်ရှုရုန်ကဲ့သို့ မာနကြီးသူတစ်ယောက်အတွက် ၎င်းသည် စိတ်ပျက်စရာကောင်းပြီး အရှက်ရစေမည်ဖြစ်သည်။ ထူးဆန်းတာက စိတ်ပျက်စရာတွေအပြင် သူမသည် အနည်းငယ်ရှုပ်ထွေးနေသလို ခံစားလိုက်ရသည်။

2000 ခုနှစ်နောက်ပိုင်း မွေးဖွားသူများသည် များသောအားဖြင့် လိင်တူချစ်သူများအပေါ် မလိုမုန်းထားဖြင့် ကန့်ကွက်သည်များမရှိတော့ပေ။အဲ့ထဲမှာသွမ့်ရှုရုန်သည်လည်းတစ်ယောက်အပါအဝင်ဖြစ်
သည်။ သို့သော်လည်း လိင်တူချစ်သူအသိုင်းအဝိုင်းအပေါ် အလုံးစုံလက်ခံမှုအဆင့်မှာ အထူးသဖြင့် သက်ကြီးရွယ်အိုများအတွက် အိမ်ထောင်ပြုခြင်းနှင့် ကလေးယူခြင်းတို့သည် စံနှုန်းတစ်ခုအဖြစ် ရှိနေဆဲဖြစ်သည်။ဟဲကျင့် သည် ဒီလောက်ခက်ခဲသောမိခင်တစ်ဦးရှိသောကြောင့် သူဘာတွေကြုံတွေ့နေရသည်ကို သွမ့်ရှုရုန်ခန့်မှန်းနိုင်လုနီးပါးပင်။

"ကောင်းပြီ မင်းဒီမှာ အတန်းဖော်ဟောင်းတစ်ယောက်ကို တွေ့ဖို့လာတယ်ဆိုပြီးပဲပြောခဲ့တယ်မလား?"

ဟဲကျင့် က သူ့မျက်နှာဖုံးကိုပြန်တပ်လိုက်ကာခေါင်းစဉ်ပြောင်းလိုက်ပြီး

"မင်းက အရမ်းလှပြီးအရမ်းလဲတော်တာပဲလေယောကျ်ားလေးတော်တော်များများမင်းနောက်လိုက်နေမှာပဲ ငါထင်တာတော့မင်းအတွက် ကောင်းတယ်ဆိုတဲ့လူမတွေ့သေးဘူးမလား အဲ့ဒါကြောင့်မင်းအခုထိsingle ဖြစ်နေတာ?"

ဟဲကျင့် က သူပြောတာကို အရမ်းဂရုစိုက်သည်။သူက သူမကို အရမ်းတွေဂျီးများတယ်လို့မပြောခဲ့ပဲ အဲ့အစား သူမအတွက် ကောင်းတဲ့ သူကိုမတွေ့သေးလို့ဟုသာပြောခဲ့သည်။အဲ့ဒါက သွမ့်ရှုရုန်ရဲ့ သူမအတွက်လက်တွဲဖော်ရွေးချယ်ခြင်းစံသတ်မှတ်ချက်
ကိုအလိုလိုမြှင့်ပြီးသားဖြစ်သွားခဲ့တော့တာပဲလေ